قاعة الصداقة تشهد مؤتمر tedx

“TEDx conference is all about the attendeesغ experience”
خلال السنين الفاتت دي حصل كمية من مؤتمرات تيدكس في السودان، و امكن دائما بكون في حاجة ناقصة في المؤتمر، سواء كانت المتحدثين او التنظيم او الاتنين مع بعض.

أمس طلاب متطوعين من جامعة السودان بقيادة صاحبة الرخصة الرائعة Mawadh Taha نظموا مؤتمر تيدكس جامعة السودان للعلوم والتكنولوجيا TEDxSudanUST, بعد معاناه سبعة شهور من التاجيلات لظروف بره يدهم، واقل ما يمكن يقال علي المؤتمر النظموه انه “اعلى مستوى تنظيمي لمؤتمر تيدكس في السودان في السنين الفاتت” وهم بالجد عملوا احسن Attendees experience، تنظيم ممكن تدفع ملايين عشان تحصل عليه، تيم مسؤول وشغل اكتر من بروفيشنال اصله ما تقول دا اول مؤتمر ينظموه، واحترام للزمن بطريقه تعكس احترامهم للحضور وللحاجة الهم بيعملوها.

البوست دا ما تقليل من مجهودات الناس النظمت مؤتمرات قبل كدا، بس الحق يقال و هم حاليا المؤتمر الاحسن تنظيما في السنين الخمسة الفاتت. و دا بيدي مساحة للمنافسة لتحسين التنظيم في اي مؤتمر حيتعمل تاني.

  • (مؤتمر TEDxSudanUST 2022 حيكون مقياس لكل مؤتمرات تيدكس الحتتعمل في السودان في السنين الجاية)

    #TEDxSudanUST