حسين خوجلي يكتب: (وخزة) برقية في بريد المحكمة الشرعية
الأخ برمة ابراهيم الشيخ السنهوري
تحيةً واحتراما
حسب الثقة القديمة فقد صدقناكم والمؤمن صديق، واديناكم بتنا عزة زي قمر ١٤، واخلاقها زي صحن الصيني لا فيها شق لا فيها طق.
وولدكم العريس صلاح ما قصر في القيدومة والتمتم والصفقة والرقيص، لكن بعد سنتين من المعيشة والمعايشة غلبته قفة الملاح عديل، والله ستر لا عندنا منكم محمد ولا فاطمة.
دحين رسلوا ورقة الطلاق ويا دار ما دخلك شر، ومافي داعي للمحاكم والتلتلة والأجاويد
اخوك محمد احمد الأغبش