حميدتي : مابتهددونا بالشارع نحن عندنا شارع تاني لعب مافي.

الخرطوم : الوان ديلي

دعا النائب الاول لرئيس مجلس السيادة الفريق اول محمد حمدان دقلو حميدتي  السودانيين  بحراسة الثورة، وقال  خلال تقديمه واجب العزاء في نجل القيادي بقبيلة البطاحين عبد الله البلال “والله نحن ذاتنا ما بنتحمل بعد دا”. وأضاف أنه واجه الجميع بأنه لا يمكن التهديد بالشارع، وتابع “قلنا ليهم قبل كدا في التربيزة وكلهم موجودين ما بتهددونا بالشارع.. نحن عندنا شارع.. الجيش دا خلوه الجيش دا حقهم هم.. بعد دا نحن الشارع ما بتهددونا بيه، طلعوا شارع نحن نطلع الشارع.. تاني لعب مافي.. تاني ما بنرجع لي وراء”، وقال “نحنا عشان لبسنا الكاكي ما بشر؟ ولا مقطوعين من شجرة؟ ولا ما عندنا أهل؟ ولا ما سودانيين؟ كدي بعد دا نشوف الكلام دا.. بعد دا ما نلبس كاكي بنجيكم بي جلابية وقميص كت ونباري الناس ديل.. نخلي الكاكي دا العساكر كتار غيرنا”، وأضاف “يا أخوانا الكلام دا عيب والحل واحد هو الوفاق”.

وأشار إلى أن كل الانتقادات التي وُجهت للعسكريين بسبب طلب الوفاق، وقال “أكدنا على عدم عودة المؤتمر الوطني بالمشاركة في الحكومة الانتقالية والانتخابات المقبلة”. وأضاف “لكن ما ذنب الأحزاب الأخرى”.

وأقر أن البلاد تمضي للخلف، وقال “البلد ما ماشة لي قدام.. مافي زول بهددنا بالمجتمع الدولي، والمجتمع الدولي عندنا معاه كلام”، وطالب المجتمع الدولي بتوضيحات في حال كان داعماً لأحزاب معينة أم أنه داعم للشعب السوداني.