حميدتي : مافي زول مفوض .. الاربعين مليون سوداني ما فوضو أي زول لا فوضو البرهان لا فوضو حميدتي

الخرطوم : الوان ديلي

اكد نائب رئيس مجلس السيادة القائد العام لقوات الدعم السريع الفريق اول محمد حمدان دقلو بان الشعب السوداني والذى يبلغ تعداده اكثر من اربعين مليون شخص لم يفوض احد فى حكومة الفترة الانتقالية وقال خلال حديثه فى مناسبة اجتماعية مافي زول مفوض .. الاربعين مليون سوداني ما فوضو أي زول لا فوضو البرهان لا فوضو حميدتي لا فوضو الحرية والتغيير وكل الناس دي متسلطة) واضاف مشكلتنا الجابت لينا البلاوي وجابت لينا الشيطنة لأننا قلنا كلمة الحق بأننا لن نسمح بالفوضى وقلنا لازم الشباب العملوا التغيير يجونا، ولكن جاء ناس آخرين، ولكن لا نظلم الحرية والتغيير كلها صحيح فيهم ناس وطنيين وناس كويسين وخلال 16 شهر الكيمان اتفرقت، والسيئ الذي يريد تدمير البلد صار معروفاً، والداير يودي البلد دي لي قدام معروف. عشان كدا نحنا برانا ما بنقدر نعمل شي ولازم نخت يدنا في يدين بعض نتفق على رؤية واحدة